INICIO - Concello de Ponte Caldelas

Administración

O Concello de Ponte Caldelas e Urbaser realizarán este martes unha actividade de concienciación medioambiental cos nenos e nenas da Ludoteca Municipal na praia fluvial

O Concello de Ponte Caldelas e Urbaser realizarán mañá unha serie de actividades de concienciación medioambiental cos nenos e nenas da Ludoteca Municipal dentro das propostas con motivo da concesión da Bandeira Azul á praia fluvial de A Calzada.

Os cativos participarán en obradoiros e xogos deseñados por Urbaser para concienciar aos máis pequenos da casa da necesidade de separar ben os resíduos sólidos urbáns para favorecer a reciclaxe. As actividades faranse en dúas quendas, unha pola mañá a patir das once na praia fluvial de A Calzada e a outra pola tarde, a partir das 17 horas.

Ler máis...

Unha inspección por sorpresa da ADEAC á praia fluvial de A Calzada sáldase de xeito "positivo e con felicitacións", máximo calificativo otorgado polo organismo de supervisión da bandeira azul

Unha inspección realizada por sorpresa por responsables da Asociación de Educación Ambiental e do Consumidor (ADEAC) ratifica para o ano que ven o mantemento da Bandeira Azul para a praia fluvial de A Calzada, en Ponte Caldelas, primeira que otorga o organismo de calidade europeo a unha zona de baño destas características en todo o Estado Español, ao superar o exame coa máxima nota "positiva e con felicitacións", segundo confirmou o vicepresidente primeiro de ADEAC o español José Palacios.

Os inspectores realizaron unha comprobación ocular e en persoa de todas e cada unha das instalacións obrigatorias para manter o distintivo da Bandeira Azul e tamén o nivel de excelencia da auga da zona de baño. A única recomendación realizada polos técnicos foi que se colocara un espello nos servizos adaptados para minusválidos a unha altura máis axeitada para que os usuarios tiveran máis facilidade á hora de utilizalo e estudiar a posibilidade de instalar unha grúa que posibilite o descenso dunha cadeira de rodas ata a zona de baño que será estudiado de inmediato polos técnicos municipais coa intención de implementar esa ou outra solución para o vindeiro verán.

Ler máis...

O equipo de goberno logra que Urbaser poña en marcha un servizo gratuíto de recollida selectiva de cartón entre os comerciantes de Ponte Caldelas

O equipo de goberno que encabeza Andrés Díaz Sobral logrou que Urbaser, empresa concesionaria do servizo de recollida de lixo no municipio de Ponte Caldelas, poña en marcha un servizo gratuíto de recollida selectiva de cartón entre os comerciantes de Ponte Caldelas que funcionará os martes, xoves e sábados.

Esta nova mellora no servizo de recollida de lixo favorecerá a reciclaxe de todo tipo de embalaxes de cartón que habitualmente utilizan os establecementos comerciais de Ponte Caldelas e se enmarca dentro da vontade do equipo de goberno de fomentar unha maior concienciación cidadá en prol da recollida selectiva do lixo e da reciclaxe.

Ler máis...