registropropiedad

O Goberno local tripartito desafecta o inmoble, pechado dende hai anos, para realoxar un servizo importante para Ponte Caldelas

O Rexistro da Propiedade continuará en Ponte Caldelas grazas a un acordo do Goberno local tripartito coa profesional responsable deste servizo. O acordo consiste na inminente sinatura dun contrato de aluguer, a prezo simbólico, no pequeno inmoble, sen uso dende hai varios anos, que albergou a oficina de Turismo.

O alcalde de  Ponte Caldelas, Andrés Díaz, mantivo unha xuntanza coa rexistradora de Redondela, que xestiona o Rexistro de Ponte Caldelas, para estudar todas as fórmulas posibles para evitar o peche. Con esta medida, a rexistradora abarataría o custe do alugueiro e podería manter o servizo. Unha vez consolidada a oficina caldelán, a rexistradora garante tamén a continuidade laboral das tres traballadoras que atenden Ponte Caldelas por medio dunha rotación que as levaría tamén a colaborar coa oficina de Redondela.

O equipo de goberno, formado por PSdeG-PSOE, AVP e BNG, xa estudou xuridicamente a cuestión e hoxe mesmo levará a Pleno a desafectación do edificio, un trámite necesario porque segue inventariado como Matadoiro municipal, toda vez que o anterior Goberno municipal non regularizou a súa situación cando foi utilizado provisoriamente como sede turística.

O contrato de alugueiro estará condicionado á permanencia dun servizo que o Concello de Ponte Caldelas considera moi importante e ao que non está disposto a renunciar. O propio alcalde, Andrés Díaz, estivo no Parlamento galego hai algúns meses durante o debate dunha iniciativa para reclamara continuidade dos rexistros que a Xunta de Galicia pretende refundir, no marco da normativa estatal, alegando escasa carga de traballo.

O Goberno local de Ponte Caldelas subliña que, de non terse freado este peche, os veciños de Ponte Caldelas e de toda a bisbarra  terían que desprazarse a Redondela para efectuar todos os trámites relacionados coas súas propiedades inmobiliarias. Un agravio aínda máis palpable ao constatar que o de Ponte Caldelas era o único Rexistro que estaba previsto eliminar en toda a provincia, ao non chegar ao mínimo de 1.000 documentos anuais recollido na norma estatal.

Andrés Díaz está moi satisfeito da solución acadada, pois evítase a perda dun servizo e, ao tempo, dáselle uso a un inmoble que estaba pechado, a pesar da  súa magnífica situación. O alcalde recalcou que o Concello non podía quedar quieto diante dun recorte inxustificado, un máis dos que impulsa o Partido Popular, tanto no Goberno de España como na Xunta de Galicia. Engadiu que Ponte Caldelas foi, o ano pasado, un dos poucos municipios galegos que creceu en poboación, o que apunta a unha tendencia que pode levar, en pouco tempo, a superar o número de asuntos anuais que xustifica o mantemento do servizo.

OUTRAS NOVAS

equipo gobierno

sede electronica ponte caldelas

EMPREGO

FORMACION

CARTEL PISCINA

xantacaldelas 

excursin vila verde portugal

cartelmasaje2

cartelcochesclasicosao200172

PLANCULTURAL2017

CARTEL FOLLAS DE OLIVAR 2017

CARTELFECHASMOTIVARTE

Buen Tiempo

9°C

Ponte Caldelas

Buen Tiempo

Humedad: 87%

Viento: 0 km/h

  • 24 Mar 2016

    Mayormente nublado 16°C 8°C

  • 25 Mar 2016

    Lluvia ligera 14°C 13°C

coempo

pabellon

pabellon

emerxencia social

AREA ARQUEOLOXICA TOURON ES

TURISMO PONTE CALDELAS

facebook-turismotwitter-turismo
folleto tur

PUNTO DE INFORMACIÓN
CATASTRAL (PIC)

Ubicación: Casa do Concello.
Avenida de Galicia,17.
36820 Ponte Caldelas.
Teléfono: 986750001/13
Horario: de 9 a 14:00h
de luns a venres.

 

JSN_TPLFW_GOTO_TOP